Ein kort køyretur nord for skulen så er du plutseleg i hjartet av Sunnmørsalpane. Her klatrar vi opp bladet.
Fjell treng folk og folk treng fjell. Vi skal klyve og klatre. Teste grenser, men vere trygge. Smile breitt frå toppen av klatreruta. Nyte vinterdagane med ski på beina og sette svingar i urørt snø. Tenne bål og oppleve stilla ved foten av fjellet. Vere der når det skjer. Når snøen dalar lett og årets første spor blir lagt. Når det lavar ned og snøen legg seg som ei dyne i trekket. Eller når den blir til slush i Jotunheimen utpå våren. Vi skal gløyme tida. Vi skal opp.
Innhald på linja
Skitur til Alpane
10 dagar
Innføring i klatring på eigne sikringar i Bohuslän (Sverige)
5 dagar
Toppturveke på ski i Jotunheimen
4 dagar
Tinderangling i Molladalen på Sunnmøre
3 dagar
Skikøyring på Galdhøpiggen skisenter og i anlegg
5 dagar
Topptur på ski i nærområdet
5 dagar
Brekurs
3 dagar
Brattkort (Klatring)
3 dagar
Sportsklatring
3 dagar
Surfing
3 dagar
Kiting
2 dagar
Elvepadling
2 dagar
Buldring
2 dagar
Kameratredning klatring
1 dag
Isklatring
2 dagar
Terrengsykling
2 dagar
Vandretur om hausten
3 dagar
Grunnkurs skred
3 dagar
Felles snøholetur
3 dagar
Åleinenatt
2 dagar
Kokelagstur
3 dagar
Førstehjelpskurs
2 dagar
Skiveke i Myrkdalen
5 dagar
Fellestur Flåm, Finse og Aurlandsdalen
4 dagar
Pilegrimsvandring
3 dagar
Segltur til Shetland med Statsraad Lehmkuhl
5 dagar
Sjå meir +
Sjå filmen
"Det morsomste med klatring, var å overvinne frykten for høyder, og å føle stor progresjon på kort tid, dette gav meg selvtillit." - Nora Staff Vågseth
Meir informasjon om tilbodet på linja
Hausten er fullpakka med moro. Året startar med fjellturar i nærområdet: høge toppar med vill utsikt, ro rundt bålet og fredelege leirplassar. Vi går på bre og tek brekurs, og vi klatrar mykje – på eigne sikringar i Bohuslän, på kvasse tindar i Molladalen på Sunnmøre og i buldreveggen på skulen. Du tek brattkort, lærer kameratredning og får prøve deg på sportsklatring.
Innimellom padlar vi elv og syklar leikne stiar i fjellet. På Stad rullar det evige toget av bølgjer inn mot stranda, og der skal vi surfe. Vi blir kjende med havet, kva som skapar bølgjene og korleis vi kan ta vare på det. Vi kan love våt lugg, adrenalin og store smil.
Når vinteren kjem og Nordfjordfjella blir dekte av snø, finn vi fram skia. Vi utforskar dei gode toppturmoglegheitene i nærområdet og får grunnleggande skredundervisning. Det blir dagsturar, isklatring og overnattingar i snøhole, telt og hytter. Når vinden bles, får du god innføring i å fly kite.
Linjeturen går til Alpane i Austerrike. Der nyttar vi dei spektakulære fjella til både skikøyring i anlegg og toppturar.
Utover våren tek sola meir tak. Det blir solkrem, solbriller og fregner på nasen når snøen blir til påskeslush. Vi køyrer på Galdhøpiggen skisenter og reiser på toppturveke i Jotunheimen, der vi på trygt vis oppsøkjer dei råaste toppane og utsiktene du kan tenkje deg.
Sjå meir +
Lærar
PAKKELISTE
• Ullstillongs og ulltrøye
• Varme kle
• Ullgenser og/eller dunjakke
• Uteklede som du ikkje er redd for, til praktisk utearbeid
• Vindtett jakke og bukse
• Lue, vottar og hals/skjerf
• Regnkle
• Fjellsko (om du kjøper nye bør dei vere så stive at de kan brukes med stegjern)
• Ryggsekk: Bør romme min. 70 liter
• Dagstursekk: Bør romme min. 40 liter
• Liggeunderlag
• Sovepose: Må vere så varm at du kan sove ute om vinteren. (Det går an å kombinere ein sommarpose med ein 3-sesongspose på vinteren.)
• Hodelykt
• Kompass
• Førstehjelpsutstyr
• Turbestikk, -tallerken og -kopp
• Kniv
• Ståltermos
• Drikkeflaske
• Matboksar
• Solbriller
• Skiutstyr: Randonee eller telemarkski med stålkantar.
• Skifeller tilpassa skia
• Skihjelm
• Skibriller
• Søkestang
• Snøspade
• Sender/mottaker (Skredsøker)
• Klatresko
• Sykkel (til å bruke til å komme seg rundt i nærområdet)
• Kle og sko til trening både ute og inne
• Dyne og pute
• Laken, dynetrekk og putevar
• Handkle
• Klehengarar
• Febermålar, paracet osv
• Kopp/glas/tallerken/skål/bestikk til å bruke på internatkjøkkenet
• Pass: Alle MÅ ha dette i orden før alpetur.
• Reiseforsikring: Alle elevar må ha eigen reiseforsikring.
• Innbuforsikring: Mange er dekt av foreldra si innbuforsikring, men sjekk for å vere sikker! Det er viktig at du har forsikring på tinga dine som du tek med.
NB! Du treng ikkje alt som står på lista frå skulestart. Det som høyrer vinterfriluftslivet til kan handlast inn i løpet av året.
Sjå meir +