Friluftsliv / Vind og Vatn

Vind og vatn er ei linje med kontrastar. Sånn er det når vinden og vatnet får bestemme

Hausten er fullpakka med moro. Året startar med fjellturar i nærområdet som byr på høge toppar med vill utsikt, ro rundt bålet og ein fredeleg leirplass. Vi skal klatre, prøve oss på mange ulike aktivitetar i elv og sykle leikne stiar i fjellet. Når regnet har fylt opp elvane på Voss finn me fram elvekajakken. Her skal me lære oss å manøvrere kajakken ned ei brusande elv frå den eine bakevja til den andre. Me kan garantere våt lugg, adrenalin og store smil.

På Stadt rullar det evige toget av bølgjer inn over stranda. Og på desse bølgjene skal me surfe. Vi skal bli kjent med havet, kva som skaper bølgjer og korleis me kan ta vare på det. Tidleg på hausten set vi kurs mot Biarritz og får grundig instruksjon og surfar på nydlege strender. 

Når vinteren kjem og dei flotte Nordfjordfjella vert dekte med snø er det på tide å finne fram skia. Då skal me utforske dei gode topptur-muligheitene i nærområdet og få grunnleggande skredundervisning. Det vil bli dagsturar, isklatring, overnattingar i snøhole, telt og hytter. Når vinden bles over vidda reiser vi til Hardangervidda. Her får vi god innføring i å fly kiten, og før du veit ord av det susar du bortover vidda.

Utover våren tek sola meir tak. Det blir solkrem, solbriller og fregner på nasen når topptursesongen går inn i påskeslusjen sin fasen. Vi skal reise på toppturcamp i Jotunheimen. På trygg og sikker måte skal vi oppsøke dei råaste toppane og utsiktene du kan tenkje deg! 

Det blir ei salig blanding av adrenalin og ro.

Prisen på linja finn du her