Friluftsliv / Fjellsport

Eit år med utsikt

Dei likar å bli brukt. Og dei bryr seg slett ikkje om du er fersk eller erfaren. Fjell treng folk – og folk treng fjell. Difor skal vi vere på fjella og rundt fjella. Klyve og klatre. Sykle stiane og padle elvane. Teste grenser og likevel vere trygge. Smile breitt frå toppen av klatreruta. Nyte vinterdagane med ski på beina. Sette svingar i urørt snø. Tenne bål og oppleve stilla ved foten av fjellet.

Vi skal gløyme tida. Vi skal ut.

Skiveke/Høgruta i Jotunheimen
7 dagar
Buldretur til Frankrike
12 dagar
Brekurs
3 dagar
Sportsklatring
5 dagar
Tinderangling
5 dagar
Kiting
3 dagar
Skikjøring i anlegg
3 dagar
Isklatring
3 dagar
Topptur
3 dagar
Elvepadling
3 dagar
Buldring
3 dagar
Vandretur på hausten
2 dagar
Fjelløping
2 dagar
Innføringskurs naturleg klatring
3 dagar
Bolting
2 dagar
Surfing
3 dagar
Terrengsykling
2 dagar
Segltur med Statsraad Lehmkuhl
5 dagar
Kokelagstur
3 dagar
Førstehjelpskurs
2 dagar
Skredkurs
3 dagar
Vintertur/snøholetur
3 dagar
Skiveke i Hemsedal
5 dagar
Åleinenatt
2 dagar
Pilegrimsvandring
3 dagar
Sjå meir +

MEIR INFORMASJON OM TILBODET PÅ LINJA

Året startar med eit grundig innføringskurs i klatring på eit flott klatrefelt i nærleiken, Sagefloten. Her er det mykje fin klatring for uerfarne, men også vanskelegare ruter for dei erfarne. Vi kjem også til å sjekke ut andre klatrefelt i regionen. Alle som ikkje har brattkort vil få dette i løpet av dei første vekene på skulen, og i løpet av året vert det ei grundig innføring i naturleg sikring.

Breane ligger tett over heile Sogn og Fjordane, og opnar for heilt unike opplevingar. På brekurset kjem du til å lære deg å ferdast trygt med isøks i handa, stegjern under skoa og tau rundt livet. På breturen vil du få prøvd både kameratredning og isklatring. Hausten vil også by på tinderangling i Sunnmørsalpane.

Når hausten er på sitt mørkaste tek vi turen sørover med tog til Fontainebleau i Frankrike for å oppsøke buldring og klatring i verdsklasse.

Vinteren byr på snø, ski og topptur. Vi vil reise på dagsturar og turar med fleire overnattinger i vinterfjellet, både med telt og i snøhole. Heile skulen reiser på skikurs ei veke i Hemsedal der det vil bli undervisning for både ferskingar og erfarne skifolk. I løpet av vinteren skal vi også ha grunnleggande skredkurs. Her får du livsviktig kunnskap som vi skal utvikle vidare gjennom vinteren.

Våren på Vestlandet må berre opplevast! Då vert det klatring, vårskiturar og solbrende fjes i vakker natur. Om veir og føre tillet det avsluttar vi våren med ein fantastisk rundtur over Jotunheimen sine spektakulære fjell. Turen vil gå innom DNT-hytter, og vert kalla Høgruta Jotunheimen.

Pris på linja finn du her 

Sjå meir +
"Det morsomste med klatring, var å overvinne frykten for høyder, og å føle stor progresjon på kort tid, dette gav meg selvtillit." - Nora Staff Vågseth

PAKKELISTE

• Ullstillongs og ulltrøye
• Varme kle
• Ullgenser og/eller dunjakke
• Vindtett jakke og bukse
• Lue, vottar og hals/skjerf
• Regnkle
• Fjellsko (om du kjøper nye bør dei vere så stive at de kan brukes med stegjern)
• Ryggsekk: Bør romme min. 70 liter
• Dagstursekk: Bør romme min. 40 liter
• Liggeunderlag
• Sovepose: Må vere så varm at du kan sove ute om vinteren. (Det går an å kombinere ein sommarpose med ein 3-sesongspose på vinteren.)
• Hodelykt
• Kartmappe
• Kompass (gjerne med klinometer)
• Førstehjelpsutstyr
• Turbestikk, -tallerken og -kopp
• Kniv
• Ståltermos
• Drikkeflaske
• Matboksar
• Solbriller
• Skiutstyr: Randonee eller telemarkski med stålkantar.
• Skifeller tilpassa skia
• Skihjelm
• Skibriller
• Søkestang
• Snøspade
• Sender/mottaker (Skredsøker)
• Klatresko
• Sykkel (til å bruke til å komme seg rundt i nærområdet)
• Kle og sko til trening både ute og inne (sko med lyse såler til trening inne)
• Dyne og pute
• Laken, dynetrekk og putevar
• Handkle
• Klehengarar
• Febermålar, paracet osv
• Kopp/glas/tallerken/skål/bestikk til å bruke på internatkjøkkenet
• Pass og reiseforsikring: Alle MÅ ha dette i orden til seglturen med Statsraad Lehmkuhl i september!
• Innbuforsikring: Mange er dekt av foreldra si innbuforsikring, men sjekk for å vere sikker! Det er viktig at du har forsikring på tinga dine som du tek med.

Sjå meir +