Friluftsliv / UT

Ny linje frå hausten 2019! Om du drøymer om utfordringar, utsikt og utrulege opplevingar er svaret enkelt: Bli med UT!

Vi veit akkurat kva du har lyst til. Er ikkje det flaks?

Vi har planlagt eit knallår for deg, stappa med spenning, moro, friluftsliv, trøkk og masse aktivitetar. I løpet av 9 månader får du oppleve terrengsykling, klatring, bre, via ferrata, elvekajakk, kano, surfing, havkajakk, toppturar, isklatring, kiting, havfiske…kan du be om meir, eigentleg?

Om du drøymer om utfordringar, utsikt og utrulege opplevingar er svaret enkelt: Bli med UT!

Skikøyring
7 dagar
Terrengsykling
6 dagar
Tinderangling
6 dagar
Toppturar haust
3 dagar
Fjelløping
2 dagar
Vandretur på hausten
3 dagar
Klatring
2 dagar
Kiting
2 dagar
Havkajakk
3 dagar
Kanotur
5 dagar
Elvekajakk
2 dagar
Via Ferrata Romsdal
1 dag
Rafting
1 dag
Toppturar vinter
6 dagar
Vintertur
3 dagar
Isklatring
2 dagar
Bølgesurfing på Stad
2 dagar
Segling/kystveke/kystkultur
5 dagar
Segltur med Statsraad Lehmkuhl
5 dagar
Kokelagstur
3 dagar
Førstehjelpskurs
2 dagar
Skredkurs
3 dagar
Snøholetur
3 dagar
Skiveke i Hemsedal
5 dagar
Åleinenatt
2 dagar
Pilegrimsvandring
3 dagar
Sjå meir +

MEIR INFORMASJON OM TILBODET PÅ LINJA

Du har altså sjansen til å vere i det første kullet på Friluftsliv/UT. Og for eit år det skal bli!

Året startar luftig og spennande, det blir enkel tinderangling i Romsdalen og Molladalen på Sunnmøre. I løpet av desse turane får du òg prøve å gå via ferrata. Ein av dei første aktivitetane på linja blir klatring, der målet er at alle i klassa skal få brattkort.

Litt seinare på hausten reiser vi til Femunden nasjonalpark for å padle kano, fiske og elles nyte roleg friluftsliv. Vi får god tid til bål og kaffi!

Tilbake på Vestlandet skal vi rett over i det våte element. Det blir surfing på Stad, og tørrdraktene må på når vi skal drive med kajakkpadling i bølgjene.

Etter jul er det vinter og vinteraktivitetar – det blir fokus på ski, skred, overnatting i snøen og flotte toppturar. Du får prøve isklatring, kiting og vintertur.

Når vi kjem litt meir utpå våren, skal Friluftsliv/UT ha kystveke med segling, fiske og fangst og sjølvsagt matlaging. Tilbake på landjorda skal vi ha ei heil veke med terrengsykling.

Dette er faktisk berre litt av det du får oppleve. Vi gledar oss veldig til å starte opp denne linja, og gledar oss til å sjå deg her!

Pris på linja finn du her

Sjå meir +

PAKKELISTE

• Ullstillongs og ulltrøye
• Varme kle
• Ullgenser og/eller dunjakke
• Vindtett jakke og bukse
• Lue, vottar og hals/skjerf
• Regnkle
• Fjellsko
• Fotposer til vinteren (dette kan skaffes iløpet av året)
• Ryggsekk: Bør romme 60 liter (dersom mindre, må du passe på at den har plass til sovepose og en del til).
• Dagstursekk: Bør romme min 30 (dersom den rommer mindre må du ha plass til skihjelm utenpå).
• Liggeunderlag
• Sovepose: Må være så varm at du kan sove ute om vinteren. (Det går an å kombinere ein sommerpose med ein 3-sesongspose på vinteren.)
• Hodelykt
• Kartmappe og kompass (gjerne med klinometer)
• Førstehjelpsutstyr
• Turbestikk, -tallerken og -kopp
• Kniv
• Ståltermos
• Drikkeflaske
• Matboksar
• Solbriller
• Skiutstyr: Du treng randonee eller telemarkski. Kjøp gjerne brukt – og ta kontakt med oss om du lurer på ski!
• Skifeller tilpassa skia
• Skihjelm og skibriller
• Søkestang og snøspade
• Sykkel – dersom du har (til bruk i nærområdet til skulen)
• Dyne og pute
• Laken, dynetrekk og putevar
• Handkle
• Klehengarar
• Febermålar, paracet osv
• Kopp/glas/tallerken/skål/bestikk til å bruke på internatkjøkkenet
• Pass og reiseforsikring: Alle MÅ ha dette i orden til seglturen med Statsraad Lehmkuhl i september!
• Innbuforsikring: Mange er dekt av foreldra si innbuforsikring, men sjekk for å vere sikker! Det er viktig at du har forsikring på tinga dine som du tek med.

Sjå meir +